Pasamos un intre “de luxo” nun dos restaurantes de moda en Compostela

 

 

 

Os Tonechos. A partir de ahí llegarían películas como ‘18 comidas’ y ‘Flores tristes’ y series como ‘O Nordés’, ‘Era visto’, ‘Pazo de familia’ y ‘Lobos e Cordeiros’, su último trabajo para la televisión, en el que interpreta al Teniente Poncela.

Os cociñeiros Kike Piñeiro e Eloy Cancela adoitan dicir que A Horta d’Obradoiro, o pequeno restaurante que abriron xuntos en 2015, é a unión das súas dúas traxectorias profesionais que fan realidade un soño común. Cunha cociña con base moi galega, sinxela e que busca o sabor, A Horta é unha “pequena aldea” a uns metros da Catedral compostelá, un lugar para sentirse en casa e gozar da gastronomía, cunha carta que cambia os seus “matices” tres veces ao ano e na que o guiso de xurel con tomatiño convive coa vieira con manteiga de algas ou a pescada en tempura. Os fogóns acéndense nesta ocasión para Víctor Fábregas, actor e humorista, que se deu a coñecer xunto a Roberto Vilar co dúo Os Tonechos. A partir de aí chegarían películas como ‘18 comidas’  e ‘Flores tristes’ e series como ‘O Nordés’, ‘Era visto’, ‘Pazo de familia’ e ‘Lobos e Cordeiros’, o seu último traballo para a televisión, no que interpreta ao Tenente Poncela.



“Non son nada cocinillas, preparo cousas rápidas e para saír do paso, pastas, ensaladas, arroz…Ademais, vivo só e dá moita preguiza cociñar para un mesmo”

explica o actor, que asegura non ter un prato preferido “aínda que me gustan moito os arroces e os guisos de toda a vida cos que me criei”, e seguir sen soportar “a carne crúa, por moito que me digan que non sei cómela”. O prato elixido para cociñar Víctor é un cuscús de coliflor con remolacha e verduriñas, unha das estrelas da carta, que o actor prepara guiado polos dous chefs e a xefa de cociña, Eva Sánz.  Creación de Eloy,  “pensando principalmente nos clientes vexetarianos”, é un dos que máis gusta da carta actual.

Fotografías por Julio Fariña

RECEITA


Cuscús de coliflor con remolacha e verduriñas

(Para 4 persoas)

200 ml de nata

400 gr de queixo de Arzúa

800 gr de coliflor

1 kg de remolacha

2.5 follas de xelatina

Preparamos salsa de queixo con 200 ml de nata e 400 gr de queixo Arzúa, quentamos e trituramos.

Raiamos 800 gr de coliflor moi fina, que mesturamos coa salsa de queixo e deixamos un par de minutos de cocción ligando como un risotto. Reservamos.

Licuamos 1kg de remolacha e aproveitamos 500ml de mollo que quentaremos e mesturamos con 2.5 follas de xelatina; estiramos en placas moi finas e deixamos arrefriar, para posteriormente facer círculos duns 12 cm de diámetro.

Colocamos o cuscús nun prato fondo, a xelatina encima, e as verduras e brotes ao gusto como decoración.

https://www.youtube.com/watch?v=tQ0Am6oBQRo

LEAVE A REPLY

Please enter your comment!
Please enter your name here